,,უღირსი პრეზიდენტი, კავკასიელი ზვიად ჰუსეინი და დიქტატორი, როგორ მოიხსენიებს სააკაშვილი გამსახურდიას, შენს ცოლს უნდა ზუგდიდის მერობა?!”, – ამ შინაარსის პლაკატები დღეს ზუგდიდის ქუჩებსა და მიმდებარე სოფლებში გამოჩნდა.
უცნობი ადამიანების მიერ გავრცელებულ განცხადებებში წერია, რომ ექსპრეზიდენტმა მიხეილ სააკაშვილმა ეროვნული მოძრაობის ლიდერი ზვიად გამსახურდია ასეთი ფრაზებით ყოველკვირეულ პოლონურ გამოცემაში მოიხსენია, რომელიც 1992 წელს დაიბეჭდა.
ქალაქში ასევე გამოკრულია პლაკატები, რომლითაც ორგანიზატორები სანდრა რულოვსს მიმართავენ კითხვით – “შენ გინდა ზუგდიდის მერობა?!”. პლაკატებზე აგრეთვე წერია, რომ სანდრა რულოვსმა ზვიად გამსახურდიას 90-იან წლებში ბანდიტური დაჯგუფების მფარველი უწოდა.
ამ შინაარსის პოსტერების გავრცელებას ზუგდიდელებში არაერთგვაროვანი შეფასება მოჰყვა. ნაწილი ფიქრობს, რომ წინასაარჩევნოდ მსგავსი ქმედებები მიუღებელია. ნაწილი კი მიხეილ სააკაშვილსა და სანდრა რულოვსს სწორედ პოსტერზე დატანილი ციტირებების გამო აკრიტიკებს.
იმედინიუსი
