პუბლიცისტი თაკო ჩარკვიანი, რომელმაც ცოტა ხნის წინ პარტია “კანონი და სამართალი“ დააფუძნა, ეკა ბესელიას მიერ ახალი პარტიის დაფუძნებას სოციუალურ ქსელში ეხმაურება.
“ეკა ბესელია გამოდის ახლა – მესამე ძალას ვქმნიო (დედას გეფიცებით, მართლა ასე თქვა). ეს ის ადამიანია, მურუსიძის გამო, სულ ცოტა ხნის წინ, თავს რომ “იკლავდა”. იცავდა “რუსთავი 2“-ის ეთერში და ყველანაირად ხელი შეუწყო მის აღზევებას და 7 წლის მანძილზე ყველაფერზე რომ ხელი მოაწერა ამ მავნებელ ხელისუფლებასთან ერთად! პარტიას არ ვიცი რა ჰქვია?!სავარაუდოდ ალბათ ასე ჰქვია:
” ჩემი პირადი ცხოვრების ამსახველი კადრები არ გაასაჯაროვოთ – სხვისი შეიძლება! ვაი ჩვენს პატრონს- ვ.ჩ.პ. ბიძინა ივანიშვილო !!!! არ გამოვა ეგ ამბავი!!!“- წერს თაკო ჩარკვიანი.
შეგახსენებთ, დღეს გამართულ ბრიფინგზე ეკა ბესელიამ განაცხადა, რომ ახალ პოლიტიკურ პარტიას “სამართლიანობისთვის” აფუძნებს.
უმრავლესობის ყოფილი დეპუტატის გუნდში გედევან ფოფხაძე და ზვიად კვაჭანტიერაძე იქნებიან.