აკაკი წერეთლის სახელმწიფო უნივერსიტეტის პროფესორმა და ყოფილმა დეპუტატმა, ომარ ნიშნიანიძემ გემის მშენებლობა თითქმის დაასრულა. ის გემის გაშვებას, რომელსაც „არგო“ უწოდა, მდინარე რიონში 31 მაისს, 17:00 საათზე გეგმავს.
ნიშნიანიძის თქმით, გემი ფოთიდან ქუთაისისკენ გაემგზავრება. გემზე მითიური გმირები გაცოცხლდებიან.
„ჩემი მიზანი კოლხეთის ისტორიის გაცოცხლებაა. თეატრალური სანახაობის შემდეგ, გემი ჩემ მიერ დაარსებულ არგონავტიკის მუზეუმში დაიდებს ბინას“, – განუცხადა საქართველოს პირველ არხს ომარ ნიშნიანიძემ.
მერვე მოწვევის პარლამენტის წევრმა „არგოს“ მშენებლობისა და ქუთაისში პორტის მშენებლობის იდეა 2013 წელს გამოთქვა. ომარ ნიშნიანიძე მაშინ ამ იდეის გამო საზოგადოებამ მწვავედ გააკრიტიკა.
წყარო: 1tv.ge ავტორი: ირმა ჭოლაძე
კომენტარები