ესპანეთში, ქალაქ ბარსელონაში საქართველოდან თავშესაფრის მიღების მოთხოვნით წასული 11 ოჯახი უსახლკაროდ რჩება. ადგილობრივი ხელისუფლების გადაწყვეტილებით, ქართველი ოჯახები სკოლის შენობიდან გამოასახლეს, რის შემდეგაც ჰოსტელში გაჩერების საშუალება მხოლოდ ერთი დღე მიეცათ.
ბარსელონაში, საქართველოს გენერალური კონსულის, ქეთი გოგოლაშვილის თქმით, ის მუდმივ კონტაქტზეა საქართველოს მოქალაქეებთან. როგორც მან აღნიშნა, ხელისუფლების გადაწყვეტილებამდე მათ თავიანთ თავს თავად უნდა მიხედონ.
„საქართველოს მოქალაქეები გამოასახლეს, როგორც თავად ამბობენ, ყოველგვარი წინასწარი გაფრთხილების გარეშე. შეხვედრა მქონდა როგორც საემიგრაციო ცენტრის წარმომადგენლებთან, წითელ ჯვართან და რა თქმა უნდა ქალაქის მმართველობასთანაც ვიყავი. 11 ოჯახია მათ შორის 19 არასრულწლოვანი, თავის დრო როცა მოვა გამოვლენ ინტერვიუზე და გადაწყვეტს მადრიდი მისცემენ თუ არა თავშესაფარს, მანამდე მათ თავის თავს უნდა მიხედონ“, – აცხადებს საქართველოს გენერალური კონსული ბარსელონაში ქეთი გოგოლაშვილი.
ბარსელონაში 11 ქართული ოჯახი თავშესაფრის გარეშე დარჩა
2019/05/30 12:37:40
ნანახია: 580 ჯერ