ნაძალადევის რაიონში საცხოვრებელი კორპუსების ინფრასტრუქტურის მოწესრიგება გრძელდება. სარეაბილიტაციო სამუშაოები დასრულდა ზღვის უბნის (თემქა) Xა კვ. N39 და N40 კორპუსებში, სადაც ორივე შენობის სახურავი მთლიანად შეიცვალა და ასევე, დამონტაჟდა ახალი წყალსაწრეტი მილები.
შესრულებული სამუშაოები ნაძალდევის რაიონის გამგებელმა ირაკლი ხელაძემ დაათვალიერა.
„დავასრულეთ კიდევ ერთი პროექტი, რომლის ფარგლებშიც ჯამში, 1 440 კვ.მ ფართობზე რეაბილიტაცია ჩავუტარეთ სახურავს. ასევე, ორივე კორპუსში ახალი წყალსაწრეტი მილები დავამონტაჟეთ. აღნიშნულ მისამართზე გასულ წელს წყალარინების ქსელიც შევცვალეთ და ასევე, ერთ-ერთ სადარბაზოში ახალი ლიფტი მოვაწყეთ. ორივე კორპუსში სულ 144 ოჯახი ცხოვრობს. გამგეობის მიერ განხორციელებული პროექტების შემდეგ, მათი საყოფაცხოვრებო პირობები ბევრად გაუმჯობესდა“, – განაცხადა ირაკლი ხელაძემ.
აღნიშნულ მისამართზე ინფრასტრუქტურული სამუშაოები ნაძალადევის რაიონის გამგეობის ბინათმესაკუთრეთა ამხანაგობების განვითარების ხელშეწყობის პროგრამის ფარგლებში განხორციელდა.
ნაძალადევის რაიონში კორპუსების ინფრასტრუქტურის მოწესრიგება გრძელდება
2019/05/31 18:09:53
ნანახია: 642 ჯერ