“მიხეილ კალანდია წარდგენილ ბრალში თავს დამნაშავედ არ ცნობს”

სრული პასუხისმგებლობით მინდა განვაცხადო, რომ გავრცელებულ ინფორმაციას, თითქოს, მიხეილ კალანდია მიმალვას ცდილობდა, კატეგორიულად უარვყოფ“, – ამის შესახებ ჟურნალისტებთან საუბრისას დავით სარალიძის მკვლელობის ბრალდებით დაკავებული მიხეილ კალანდიას ადვოკატმა, ანა კოტეტიშვილმა განაცხადა.
მისივე თქმით, მიხეილ კალანდია წარდგენილ ბრალში თავს დამნაშავედ არ ცნობს.
“სრული პასუხისმგებლობით მინდა განვაცხადო, რომ ამ ფაქტს კატეგორიულად უარვყოფ. წინა დღეს, სანამ მიხეილ კალანდიას დააკავებდნენ, ოჯახთან ვისაუბრეთ, რომ პროცესი იყო და მიხეილ კალანდია მოწმის სტატუსით უნდა დაკითხულიყო. 10 საათიდან ისინი ჩემთან სატელეფონო კონტაქტზე იყვნენ, თუ როგორ გამოდიოდნენ სახლიდან მიხეილთან ერთად და ნახევარი საათის შემდეგ მაცნობეს, რომ ის დააკავეს”, – განაცხადა ანა კოტეტიშვილმა.