არასრულწლოვნებით ვაჭრობაში ბრალდებული იულია იური სუსლიაკის და მისი ქმრის იური სუსლიაკის ოჯახის წევრებს ბავშვები დაუბრუნეს. ამის შესახებ „პრაიმტაიმმა“ ცოტა ხნის წინ ოჯახის ადვოკატისგან, ზურაბ თოდუასგან შეიტყო.
„ჩემი ვარაუდით, ისინი უკვე უკრაინის საელჩოში უნდა იყვნენ“, – განმარტავს თოდუა.
უკრაინის საკონსულო ცოტა ხანში ოფიციალურ განცხადებას გაავრცელებს.
შეგახსენებთ, რომ მიმდინარე წლის 8 აპრილს მოსკოვი-თბილისის რეისით საქართველოში უკრაინის მოქალაქე ბავშვებთან ერთად ჩამოვიდა. ზუგდიდში ბავშვები დაუდგენელი ნივთიერებით მოიწამლნენ და საავადმყოფოში გადაიყვანეს. მოგვიანებით გაირკვა, რომ დედა 10 შვილტან ერთად ოკუპირებულ აფხაზეთში აპირებდა გადასვლას.
საავადმყოფოში ერთი შეუსაბამობამ კითხვები გააჩინა. ქალი ირწმუნებოდა, რომ ათივე მისი შვილია, თუმცა ათიდან 4 ბავშვი 2017 წელსაა დაბადებული. ფაქტზე შსს-მ გამოძიება ტრეფიკინგის მუხლით დაიწყო.
გამოძიების ინფორმაციით, იულია სუსლიაკი უკრაინიდან რუსეთის ტერიტორიაზე 11 ბავშვით შევიდა, საქართველოში კი 10 მცირეწლოვნით ჩამოფრინდა.
არასრულწლოვნით ვაჭრობის ბრალდებით დაკავებულ უკრაინელს 14-დან 17 წლამდე პატიმრობა ემუქრება.
შინაგან საქმეთა სამინისტრო მეთერთმეტე ბავშვს ინტერპოლით ეძებს.