მთავრობის ადმინისტრაციასთან მიმდინარე აქციაზე გაერთიანებული ოპოზიციის სამგორის მაჟორიტარი დეპუტატობის კანდიდატი ბეჟან გუნავა და მისი შვილი დააკავეს.
შემთხვევა მას შემდეგ მოხდა, რაც ბეჟან გუნავამ შენობის შესასვლელის პიკეტირება სცადა.
დაკავების პროცესს აქციის მონაწილეებსა და სამართალდამცველებს შორის დაპირისპირება მოჰყვა. რამდენიმე მომიტინგის მტკიცებით, პოლიციამ მათ ფიზიკური შეურაცხყოფა მიაყენა.
აქცია მთავრობის ადმინისტრაციასთან გრძელდება. მომიტინგეების განცხადებით, დაშლას არ აპირებენ.
კომენტარები