დავით ქაცარავა სოციალურ ქსელში პოსტს აქვეყნებს.
“არ ჩერდებიან ოკუპანტები და ჩვენი ხელისუფლება ვერ აჩერებს მათ.
კიდევ ერთხელ შეგახსენებთ, ანალოგიურ სიტუაციაში ჩვენ მოვახერხეთ ატოცში და ჩორჩანაში ბორდერიზაციის შეჩერება.
იგივეს გაკეთება შეგვიძლია გუგუტიანთკარშიც.
ამ ფოტოებზე კი კიდევ ერთხელ გავამახვილებ თქვენ ყურადღებას-ოკუპანტები გარდა იმისა რომ მშვიდად, კომფორტულად მუშაობენ ჩვენი მიწა-წყლის წართმევაზე, ისინი ამავე დროს შეუფერხებლად გადაადგილდებიან ჩვენს კონტროლირებად ტერიტორიაზე.
ასევე, მიმდინარეობს არამარტო ცხინვალის რეგიონის ადმინისტრაციული საზღვრების მიხედვით ოკუპაცია, არამედ დამატებითი ტერიტორიების მიტაცება.
ამაზე რატომ არ ვსაუბრობთ, ბატონებო? თუ გგონიათ, ამაზე საუბრით ცხინვალის რეგიონის ადმინისტრაციულ საზღვარს უღიარებთ?
ამ ლოგიკით, გორი რომ შეღობონ, მაინც არ შეიმჩნევთ დამატებითი მიწების მიტაცების ფაქტს?” – წერს ქაცარავა.