„ბი-ბი-სი“- ს ინფორმაციით, დაჯგუფება „ისლამური სახელმწიფოს“ „ბოევიკებმა“ ორი ათასამდე მშვიდობიანი მოქალაქე დაატყვევეს, რომლებსაც „ცოცხალ ფარად“ გამოიყენებენ.
ეს ადამიანები ქალაქ მანბიჯში აიყვანეს, რომელიც ტერორისტულმა დაჯგუფებამ ორთვიანი ბრძოლის შედეგად დათმო. ამ ოდენობის ადამიანების დატყვევების შესახებ ინფორმაციას ლონდონში განთავსებული სირიის ადამიანის უფლებათა ცენტრი ადასტურებს. მათივე ინფორმაციით, ტყვეები ასობით ავტომანქანაში ჩასვეს.
ქალაქი მანბიჯი თურქეთის საზღვართან მდებარეობს. ამ ქალაქს „ისლამური სახელმწიფო“ ორი წლის განმავლობაში აკონტროლებდა.
კომენტარები
