სკეპტიკოსების, ჩასაფრებულების და რევანშისტების საყურადღებოდ – ცხადია, ზალკალიანის და ლავროვის შეხვედრა შეთანხმებული იყო საერთაშორისო პარტნიორებთან, მეტიც, ის მათი ორგანიზებით გაიმართა, – ამის შესახებ საპარლამენტო უმრავლესობის წევრი ირაკლი მეზურნიშვილი „ფეისბუქის“ გვერდზე წერს.
მისივე თქმით, ის, რომ ზალკალიანი-ლავროვის შეხვედრა საერთაშორისო პარტნიორებთან შეთანხებული იყო, დასავლელი მეგობრების გამოხმაურებებიდანაც კარგად ჩანს.
„ეს ნათლად გამოჩნდა ჩვენი დასავლელი მეგობრების გამოხმაურებებშიც, იქნება ეს – აშშ-ს საელჩოს განცხადება, გაერო-ს გენერალური მდივნის გამოხმაურება, ეუთო-ს თავმჯდომარის შეფასება. ყველა შესაძლებლობას გამოვიყენებთ, რომ ოკუპირებული რეგიონებისა და საოკუპაციო ხაზის მიმდებარედ ხელი შევუწყოთ ვითარების დეესკალაციასა და გავაუმჯობესოთ ჩვენი მოქალაქეების მდგომარეობა. დღესაც და მომავალშიც, ვრჩებით ჩვენი ქვეყნის ეროვნული ინტერესების სადარაჯოზე“, – წერს მეზურნიშვილი.