სამოქალაქო აქტივისტი ლევან ლორთქიფანიძე სოციალურ ქსელში გუბაზ სანიკიძის “მთავარი არხის“ ეთერში გაკეთებულ განცხადებას გამოეხმაურა.
“სულ რაღაც სამ წელიწადში ბიძინა ივანიშვილიდან ნინო ბურჯანაძესთან გამოიქცე, იქიდან ირაკლი ოქრუაშვილთან შეუხვიო და ბოლოს გეზი იმ კაცისკენ აიღო, რომელსაც წლები დორბლიან ავადმყოფს, ანტიქართველს, ჰიტლერს, მკვლელსა და იდაყვებამდე სისხლიანს ეძახდა.
რა ჰქვია ამას? სირცხვილია რა!“ – წერს ლევან ლორთქიფანიძე.
მთავარი არხის გადაცემა “მთავარ აქცენტებში“ ნიკა გვარამიასთან სტუმრობისას გუბაზ სანიკიძემ განაცხადა, რომ მიხეილ სააკაშვილთან შეხვედრას აპირებს: “უახლოეს დღეებში ვაპირებ, ჩავიდე კიევში და შევხვდე მიხეილ სააკაშვილს და ვისაუბროთ ჩვენი ქვეყნის სვე-ბედზე“.
კომენტარები