4-დღიანი უკანონო პატიმრობის შემდეგ, საქართველოს 3 მოქალაქე ცხინვალის ციხიდან გაათავისუფლეს.
გათავისუფლებულს შორის არიან, ზურაბ ტუხიაშვილი და რამაზ ზადიშვილი, რომლებიც ოკუპანტებმა საოკუპაციო ხაზთან მდებარე სოფლების – ყარაფილასა და კოდისწყაროს მიმდებარედ დააკავეს და ასევე, გრემისხევიდან გატაცებული დავით მიშელაშვილი.
გათავისუფლებულები ამ დროისთვის შიდა ქართლის სამხარეო პოლიციის შენობაში გამოკითხვაზე იმყოფებიან.
ინფორმაციას ადასტურებენ საქართველოს სახელმწიფო უსაფრთხოების სამსახურში.
“მხარეების მოლაპარაკების შედეგად, ამ დროისთვის გათავისუფლებულია სამი ადამიანი, თუმცა კვლავ პატიმრობაში რჩება საქართველოს კიდევ ერთი მოქალაქე”,- განუცხადეს “რეგიონულ კვირას” სუს-ში.
კომენტარები