დღევანდელი განხილვის თემა საპარლამენტო თანამდებობები არ ყოფილა, მოგვიანებით გვექნება ალბათ ამაზე საუბარი, – ამის შესახებ „ქართული ოცნების“ ოფისში გამართული უმრავლესობის სხდომის შემდეგ, დეპუტატმა, ირაკლი კობახიძემ განაცხადა.
მისი თქმით, შეხვედრაზე საუბარი შეეხო ბოლო დღეების განმავლობაში ქვეყანაში განვითარებულ მოვლენებს.
„საპარლამენტო უმრავლესობის ფორმატში სხვადასხვა საკითხი განვიხილეთ. რა თქმა უნდა, გავარჩიეთ ის, რაც მოხდა ამ გასული დღეების განმავლობაში, ეს იყო ერთ-ერთი მთავარი თემა შეხვედრის.
ასევე გვქონდა საუბარი იმ გეგმებზე, რომელი ჩვენ გვაქვს, მათ შორის საპარლამენტო დღის წესრიგზეც გვქონდა საუბარი. დღეს არ გვიმსჯელია საპარლამენტო თანამდებობებზე. მოგვიანებით გვექნება ალბათ ამაზე საუბარი. დღევანდელი განხილვის თემა ეს არ ყოფილა“, – განაცხადა კობახიძემ.