ოპოზიციის წარმომადგენლებმა და აქციის მონაწილეებმა პარლამენტის შესასვლელები ქვიშის ტომრებით და სამშენებლო ნარჩენებით ჩახერგეს. როგორც გიორგი ვაშაძემ თქვა, ეს არ არის “ბარიკადი”, არამედ “კალაძის ნაგავია”. ოპოზიციის თქმით, სამშენებლო ნარჩები პარლამენტთან იყო.
პარლამენტთან, ზუბალაშვილების ქუჩაზე ქვიშის ტომრების მიტანის გამო ოპოზიციის ლიდერებსა და სამართალდამცველებს შორის დაპირისპირება მოხდა, რადგან პოლიციამ პარლამენტთან ტომრებით დატვირთული მანქანა არ გაატარა. ამის შემდეგ დემონსტრანტებმა ტომრები შესასვლელთან ხელით მიიტანეს.
პარლამენტთან საპროტესტო აქციის ძირითადი ნაწილი დასრულდა, თუმცა ადგილზე ისევ არიან ოპოზიციის წარმომადგენლები და ასევე აქციის მონაწილეთა ნაწილი.
კომენტარები