რამდენიმე დღის წინ, გონიოს ზღვაში დაკარგული ერთ-ერთი სამხედროს, იაგო შარაძის მეუღლე მარი ბაშარული საკუთარ ფეისბუქ გვერდზე ემოციურ პოსტს აქვეყნებს.
“ჩემო ტკივილო, უკვე მერვე დღეც უშედეგოდ, იმედგაცრუებით ჩამთავრდა. უშედეგოდ მიდის შენი ძებნაც, მაგრამ მე ყოველ დღე ვივლი სანაპიროზე სანამ შენ არ დამიბრუნდები. მენატრები ჩემო ტკივილო, მკივიხარ, გულში მეწვი, შენი შვილები ყოველ დღე მოდიან იმ იმედით რომ მამას გემიდან მოუყვანენ და ნახავენ… დაგვიბრუნდი… უფალო გევედრები დამიბრუნე ჩემი მზრუნველი, კეთილი, სამშობლოს შეწირული ქმარი!”, – წერს მარი ბაშარული.
16 აგვისტოს, გონიოს ყოფილი სასროლეთის საზღვაო ზოლში, შავი ზღვის სანაპიროზე საქართველოს შეიარაღებული ძალების სპეციალური დანიშნულების ძალების ორი სამხედრო მოსამსახურე კაპრალი იაგო შარაძე და I კლასის რიგითი გიორგი ნანეტაშვილი წვრთნების დროს გაუჩინარდნენ. დაკარგულების პოვნა ამ დრომდე ვერ ხერხდება.