ავსტრალიის ტყის ხანძრებით დაზარალებულ შტატ ვიქტორიაში ძლიერი ქარიშხალია მოსალოდნელი. ამ ინფორმაციას BBC ავრცელებს.
გამოცემის ცნობით, შტატში, სადაც რამდენიმე თვის განმავლობაში ტყის ხანძრებს ებრძოდნენ, ძლიერ ქარსა და უხვ ნალექს ელოდებიან. სპეციალისტების თქმით, ქარიშხალი 3 დღის განმავლობაში გაგრძელდება.
შეგახსენებთ, რომ ავსტრალიაში რამდენიმე დღის წინ გაწვიმდა, რის შედეგადაც ვიქტორიას, ახალი სამხრეთ უელსისა და ქუინსლენდის შტატები დაიტბორა. ავსტრალიაში გაჩენილ ტყის ხანძარს სექტემბერიდან დღემდე 29 ადამიანის სიცოცხლე ემსხვერპლა, დაღუპულია მილიონობით ცხოველი და განადგურებულია 2,500-ზე მეტი საცხოვრებელი სახლი.
კომენტარები