საუდის არაბეთის ხელისუფლებამ გასცა ახალგაზრდა ქალი რეპერის, Asayel Slay-ის დაკავების ორდერი, რომელმაც YouTube-ზე თავისი სიმღერა Mecca Girl-ის ვიდეორგოლი გამოუშვა. ინფორმაციას ამის შესახებ BBC ავრცელებს.
სიმღერაში საუბარია მუსლიმთა წმინდა ქალაქ მექაში მცხოვრებ ქალებზე, რომლებსაც Asayel Slay ყველაზე ლამაზებს და ძლიერებს უწოდებს.
მექის გუბერნატორმა ხალედ ალ-ფაისალმა სამართალდამცველებს რეპერის დაკავებისკენ მოუწოდა და განაცხადა, რომ Asayel Slay თავისი ქმედებით წმინდა ქალაქს შეურაცხყოფს.
რეპერის YouTube-გვერდზე წვდომა ამჟამად შეზღუდულია, ვიდეორგოლი კი მიუწვდომელია.
კომენტარები