რასაც არ უნდა ფიქრობდნენ ევროპელები, თურქეთი აღარ აპირებს მოუაროს მილიონობით სირიელ ლტოლვილს კიდევ 9 წლის მანძილზე, – ამის შესახებ თურქეთის პრეზიდენტმა, რეჯეფ ტაიფ ერდოღანმა ბულგარეთის პრემიერ-მინისტრთან შეხვედრის შემდეგ განაცხადა.
„ევროპელები ფიქრობენ, რომ თურქეთი კვლავ განაგრძობს ლტოლვილების შენახვას კიდევ 9 წელი. ეს აღარ მოხდება. როცა საქმე სირიელ ლტოლვილებს ეხება, თურქეთმა თავისი პასუხისმგებლობა აიღო, მაგრამ ევროკავშირმა 18 მარტს მიღებული დეკლარაციის პირობები არ შეასრულა და აგრძელებს ორმაგი სტანდარტებით მოქმედებას“, – განაცხადა ერდოღანმა.
მისივე თქმით, ანკარამ ლტოლვილებისთვის 40 მილიარდ დოლარზე მეტი დახარჯა.
„ჩვენ ვითხოვთ, რომ ევროკავშირმა სამართლიანად გადაინაწილოს ეს ტვირთი. მათი შეპირებული 1 მილიარდი ევრო აღარაფერში გვჭირდება“, – განაცხადა ერდოღანმა.