მედიის ინფორმაციით, იტალიის 4 ციხეში ბუნტი მოხდა, რომლის შედეგად 6 პირი დაიღუპა.
გავრცელებული ინფორმაციით, პატიმრები იმ შეზღუდვებს აპროტესტებდნენ, რომელიც კორონავირუსის გამო გარკვეული ქალაქების ჩაკეტვის შემდეგ ციხეებშიც დაწესდა.
ბუნტი ნეაპოლის, მოდენას, ფროსინონის და ალექსანდრიის სასჯელაღსრულების დაწებულებებში მოხდა, რაც სამართალდამცეველთან შეტაკებებში გადაიზარდა. მედიის ცნობით, პატიმრები ითხოვენ, რომ შენარჩუნდეს ციხის პაემნები და მათ დამატებითი შეზღუდვები მოეხსნათ.
ცნობისთვის, worldmeters.info-ს ბოლო მონაცემებით, იტალიაში კორონავირუსის სულ 7 375 შემთხვევა დაფიქსირდა. დაღუპულთა რაოდენობამ კი 366-ს მიაღწია.
კომენტარები