„ესოშიეითიდ პრესის“ ცნობით, უკრაინაში, ჩერნობილის ტყეში ხანძრის ჩაქრობა ამ დრომდე ვერ ხერხდება.
მართალია, მეხანძრეებმა ერთ-ერთი კერის ლოკალიზება შეძლეს, რომელიც, დაახლოებით, 5 ჰექტარზე იყო გავრცელებული, თუმცა რაც შეეხება მეორე კერას – იქ ხანძარი, დაახლოებით, 20 ჰექტარი ტყის მასივს უკიდია.
გავრცელებული ცნობებით, ჩერნობილში ამ დროისთვის რადიაცია 16-ჯერაა გაზრდილი, თუმცა ქვეყანაში აცხადებენ, რომ კიევში, რომელიც ტერიტორიიდან 100 კილომეტრითაა დაშორებული, მაჩვენებელი ნორმაშია.
ცნობისთვის, 1986 წელს უკრაინის ქალაქ ჩერნობილში ატომურ რეაქტორზე კატასტროფა მოხდა. რეგიონებში, რომლებიც დღემდე რადიოაქტიურად დაბინძურებულად ითვლება, 5 მილიონამდე ადამიანი ცხოვრობს.
კომენტარები