კორონავირუსის გართულებული სიმპტომებით ინტენსიური თერაპიის განყოფილებაში რჩება ბრიტანეთის პრემიერ-მინისტრი. მსოფლიოს ლიდერები მას გამოჯანმრთელებას უსურვებენ.
ჯანმრთელობის გაუარესების გამო, დიდი ბრიტანეთის პრემიერ-მინისტრის მოვალეობას, საგარეო საქმეთა მინისტრი დომინიკ რააბი შეასრულებს.
დიდ ბრიტანეთში COVID-19-ით 51,608 ადამიანია ინფიცირებული. დაავადებამ თითქმის 6 ათასი ადამიანი იმსხვერპლა.
“კვირას აუცილებელი გახდა კორონავირუსის სიმპტომების გამო, ქვეყნის პრემიერ-მინისტრის წმინდა ტომასის ჰოსპიტალში გადაყვანა, გასული დღის მეორე ნახევარში ჯონსონის ჯანმრთელობის მდგომარეობა გაუარესდა, რის გამოც ინტენსიური თერაპიის განყოფილებაში მოათავსეს. მინდა მადლობა გადავუხადო წმინდა ტომასის ჰოსპიტალის გუნდს, ისინი ყველაფერს აკეთებენ, რათა პრემიერ მინისტრი გამოჯანმრთელდეს,” – განაცხადა დიდი ბრიტანეთის საგარეო საქმეთა მინისტრმა დომინიკ რააბიმ.