“აღასრულეთ კანონი ყველგან, ჩვენ მეტად ვერ დავზარალდებით ისედაც შემცირდა შემოსავლები”

ნინო კობახიძე სოციალურ ქსელში პოსტს ავრცელებს, რომელსაც უცვლელად გთავაზობთ.

“იმის გამო, რომ სახელმწიფო ვერ ჩამოყალიბდა ეკლესიაში წირვა ლოცვა შეიძლება თუ არა ამ კანონის ფარგლებში, იმის გამო რომ ეკლესია არ აღიარებს კანონის მოქმედების ძალას დღესასწაულებზე, მე როგორც საქართველოს კანონ მორჩილი მოქალაქე, ეკონომიკაში აქტიურად ჩართული ადამიანი, რამდენიმე ასეული სამუშაო ადგილის შემქნელი და პასუხისმგებელი ჩემს დასაქმებულებზე და ქვეყნის ეკონომიკურ განვითარებაზე, უარს ვაცხადებ მივიღო ნებისმიერი გამკაცრებული ზომები თუ სამართალი შერჩევით ხორციელდება ჩემზე როგორც კანონის დამცველზე და სხვაზე როგორც კანონის დამრღვევზე! აღასრულეთ კანონი ყველგან, ჩვენ მეტად ვერ დავზარალდებით ისედაც შემცირდა შემოსავლები, ხალხი რჩება უმუშევარი და თავიდან გვაქვს ბევრი რამე დასაწყები! აღარაფერს ვამბობ იმ ხარჯებზე, რომელიც ყველამ პასუხისმგებლიანმა ბიზნესმა გავწიეთ წესების და პირობების დასაცავად, არაფერს ვამბობ იმ ემოციურ თუ ფსიქოლოგიურ მდგომარეობაზე, რომელშიც იმყოფება ხალხი. ამიტომ ან ყველანი გარეთ ან ყველანი შიგნით და კიდევ კანონი იყოს კანონი ყველასთვის. ვირუსმა არ იცის ვინ ვისი შვილია, ვინ ვისი მრევლია. ამაზე მეტი გამკაცრებით, ამ რეჟიმის დიდხანს გაგრძელებით მომავალი 3 წელი კოლაფსიდან და შიმშლიდან ვერ გამოვალთ! დაიცავით და აღასრულეთ კანონი ყველამ და ყველგან!” – წერს კობახიძე.