ჩინეთის ელჩი ისრაელში, 58 წლის დუ ვეი, სახლში გარდაცვლილი იპოვეს – ამის შესახებ ინფორმაციას BBC ავრცელებს.
ელჩის გარდაცვალების მიზეზი უცნობია. იგი თელ-ავივის გარეუბანში ცხოვრობდა.
BBC წერს, რომ დუ ვეი ისრაელში 15 თებერვალს ჩაფრინდა და კორონავირუსის გამო დაწესებული შეზღუდვების გამო ორკვირიან თვითიზოლაციაში იმყოფებოდა.
პარასკევს ისრაელში ჩინეთის საელჩომ მკაცრად გააკრიტიკა აშშ-ს სახელმწიფო მდივნის, მაიკ პომპეოს განცხადება, რომლის მიხედვითაც, ჩინეთი პანდემიასთან დაკავშირებულ ინფორმაციას მალავდა. პომპეოს საელჩომ Jerusalem Post-ის საშუალებით უპასუხა და სახელმწიფო მდივანი “აბსურდულ კომენტარებში” დაადანაშაულა.
კომენტარები