იტალიაში გასულ 24 საათში კორონავირუსს 145 ადამიანი ემსხვერპლა, რაც ქვეყანაში კარანტინის გამოცხადების შემდეგ ყველაზე დაბალი მაჩვენებელია. გარდაცვლილთა საერთო რიცხვმა 31 908-ს მიაღწია. ინფორმაციას ამის შესახებ euronews-ი ავრცელებს.
ტელეარხის ცნობით, ქვეყანაში ახალ ინფიცირებულთა რიცხვი 675-ს შეადგენს. ჯამში კი COVID-19-ი ქვეყანაში 225 435 ადამიანს გამოუვლინდა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
კომენტარები