“ყველა თავმოყვარე ქვეყანა მოიქცეოდა ზუსტად ისე, როგორც საქართველო მოიქცა”, – ამის შესახებ თბილისის მერმა, კახა კალაძემ უკრაინიდან საქართველოს ელჩის გამოწვევასთან დაკავშირებით განაცხადა.
მისივე თქმით, ადამიანის თანამდებობაზე დანიშვნა, რომელიც საქართველოს სასამართლოს სამივე ინსტანციის მიერ დამნაშავედ არის ცნობილი, მეგობარ ქვეყანას უხერხულობას უნდა უქმნიდეს.
„ყველა თავმოყვარე ქვეყანა მოიქცეოდა ზუსტად ისე, როგორც მოიქცა საქართველო. უკრაინა არის ჩვენი სტრატეგიული პარტნიორი ქვეყანა და გადაწყვეტილება, რომელიც მათი მხრიდან იყო მიღებული, კონკრეტული ადამიანის დანიშვნასთან დაკავშირებით, არ აქვს მნიშვნელობა, მაღალი თანამდებობაა, თუ რაღაც მოგონილი თანამდებობა, ადამიანს, რომელსაც სამივე ინსტანციის მიერ მისჯილი აქვს და არის დამნაშავე, მინიმუმ, უხერხულობას უნდა უქმნიდეს ჩვენი მეგობარი ქვეყნის ხელისუფლების წარმომადგენლებს“, – განაცხადა კახა კალაძემ.