ეკა ბესელია აცხადებს, რომ თუკი 2020 წლის არჩევნებით პარლამენტში ვერ შევა, პოლიტიკიდან წავა – ეს განცხადება მან ტელეკომპანია “ფორმულაში”, სოფო ზურაბიანის „პოლიტიკის ფორმულაში“ გააკეთა.
„თუ ჩემი ახალი პარტია არჩევნების შედეგად პარლამენტში ვერ შევა, მე პოლიტიკიდან წავალ. მე ამ პარტიით მინდა ამ ქვეყანაში ბრძოლა სამართლიანი სასამართლოსთვის თანამოაზრეებთან ერთად. თუ ეს მიზანი ვერ მივიყვანე ბოლომდე, მე ვერ ვხედავ ჩემს ადგილს პოლიტიკაში. შეიძლება სხვა ფრონტიდან ვიბრძოლო. ზუსტად ვიცი რისთვის ვიბრძვი, ვიცი როგორ მივიდე და ბევრი ადამიანია საჭირო ამისთვის. ბევრი ადამიანი მეიმედება და ბევრი ასეთი ადამიანი უნდა იყოს პოლიტიკაში, რომ მიზანს მივაღწიოთ“, – განაცხადა ეკა ბესელიამ.
კომენტარები