ეკონომიკის დერეგულაციითა და საგადასახადო სისტემებით, რუსეთი უკრაინაზე შორს წავიდა, – ამის შესახებ უკრაინის რეფორმების საბჭოს აღმასრულებელი კომიტეტის ხელმძღვანელმა, საქართველოს ყოფილმა პრეზიდენტმა, მიხეილ სააკაშვილმა ვიდეოკონფერენციის დროს განაცხადა.
„ეს ძალიან მაწუხებს – დერეგულირების კუთხით, რუსეთი გაცილებით შორს წავიდა, უკრაინას ბევრად უსწრებს, საგადასახადო სისტემითაც და ამ სისტემითაც, მოდით, ვისაუბროთ როგორც არის“, – თქვა სააკაშვილმა.
უკრაინის რეფორმების საბჭოს აღმასრულებელმა კომიტეტის ხელმძღვანელმა აღნიშნა, რომ რუსეთში უფრო აქტიურად უსმენენ ბიზნესს, ვიდრე უკრაინაში.
„ისინი ჩვენ ომს გვიგებენ რეფორმების ფრონტზე“, – განაცხადა სააკაშვილმა.
კომენტარები