აშშ-ის სახელმწიფო მდივანი მაიკ პომპეო აცხადებს, რომ შეერთებული შტატები ქვეყანაში ჩინური აპლიკაციების, მათ შორის TikTok-ის, აკრძალვის საკითხს განიხილავს.
„არ მსურს პრეზიდენტზე წინ წასვლა, მაგრამ გეტყვით, რომ ამას განვიხილავთ,” – განაცხადა პომპეომ Fox News-სთან ინტერვიუში.
აღსანიშნავია, რომ ამერიკელი კანონმდებლები ჩინურ აპლიკაცია TikTok-ის მომხმარებელთა პერსონალური მონაცემების უსაფრთხოებასთან დაკავშირებით უკმაყოფილებას გამოხატავენ და აცხადებენ, რომ შეშფოთებულები არიან ჩინეთის კანონებით, რომელიც ადგილობრივი კომპანიებისგან „სადაზვერვო საქმიანობაში დახმარებასა და თანამშრომლობას“ ითხოვს.
შეგახსენებთ, რამდენიმე დღის წინ ინდოეთში TikTok-ი და კიდევ 58 სხვა ჩინური აპლიკაცია აიკრძალა.
კომენტარები