სტამბოლის პოლიციამ დაჯგუფება „ისლამური სახელმწიფოსთვის“ დახმარების გაწევაში ეჭვმიტანილი 24 უცხოელი დააკავა.
როგორც ადგილობრივი პრესა იტყობინება, უცხოელები ტერორისტებისთვის ასაფეთქებელი ნივთიერებებისა და საბრძოლო მასალის გადაცემაში არიან ეჭვმიტანილი. დაკავებულთა შორის არის სირიის მოქალაქე.
სააგენტო „ანადოლუ“ წერს, რომ 9 ეჭვმიტანილი დაჯგუფების გავლენიანი წევრია, დანარჩენები კი სირიაში გამგზავრებას გეგმავდნენ.
ანალოგიური სპეცოპერაცია თურქეთში 9 სექტემბერსაც ჩატარდა, მაშინ „ისლამური სახელმწიფოსთან“ კავშირში ეჭვმიტანილი 10 უცხოელი დააკავეს.
კომენტარები