გამოკითხვები აჩვენებს, რომ ყველა მაჟორიტარულ ოლქში ლიდერობენ „ქართული ოცნება – დემოკრატიული საქართველოს“ მიერ წარდგენილი კანდიდატები, ამის შესახებ პარტია „ქართული ოცნების“ გენერალურმა მდივანმა კახა კალაძემ ტელეკომპანია „იმედის“ ეთერში, გადაცემა „ქრონიკაში“ განაცხდა.
„ყველას აქვს შანსი, რომ მოიგოს პირველივე ტურში. თუმცა ეს არ ნიშნავს იმას, რომ ჩვენ მოშვებულები ვიყოთ და არჩევნები თავისით წარიმართება. რა თქმა უნდა ძალიან ბევრი შეხვედრაა ჩასატარებელი და საჭიროა ყოველდღიური კომუნიკაცია მოსახლეობასთან. საუბარი მომავლის ხედვებზე, გეგმებზე, თუ რა პროგრამა აქვს „ქართულ ოცნებას“. ასევე, თუ როგორ აპირებს მომდევნო ოთხ წელიწადში ეკონომიკის განვითარებას, წინსვლას, ისე რომ კეთილდღეობა ჩვენი ქვეყნის თითოეულმა მოქალაქემ იგრძნოს“, – განაცხადა კალაძემ.
2012 წლის შემდეგ რამდენი პროექტი და რეფორმა იყო განხორციელებული, ამას არ უნდა დავჯერდეთ. არ უნდა გვქონდეს იმის ილუზია, რომ ყველაფერი კარგადაა და მოწესრიგებულია. ქვეყანაში არის სერიოზული გამოწვევები, არსებობს პრობლემები და ამ პრობლემებს თვალი უნდა გავუსწოროთ და მე მჯერა, ის გუნდი, რომელსაც ჰქვია „ქართული ოცნება – დემოკრატიული საქართველო“, აქვს უნარი და შესაძლებლობები იმისა, რომ ღირსეულად უპასუხოს ყველა გამოწვევას და გადაჭრას ყველა პრობლემა, რომელიც არის ქვეყანაში“, – განაცხადა კალაძემ.