ბრაზილიაში დღე-ღამის განმავლობაში ქვეყანაში კორონავირუსის 58 249 ახალი შემთხვევა გამოვლინდა და ინფიცირების დადასტურებული შემთხვევების რაოდენობა 2 348 200-მდე გაიზარდა. ამის შესახებ ადგილობრივი მედია წერს.
24 საათის განმავლობაში, ქვეყანაში ვირუსს 1 178 ადამიანი ემსხვერპლა და ვირუსით გარდაცვლილთა ჯამურმა რიცხვმა 85 385 შეადგინა. ბრაზილიაში კორონავირუსის პირველი შემთხვევა 26 თებერვალს დადასტურდა.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.