“კურიერის” ინფორმაციით, პოლიციამ ლერი სულაბერიძის მისამართით სროლის საქმეზე სავარაუდო დამნაშავე უკვე დააკავა. ასევე “კურიერის” ინფორმაციით, ის უკვე პოლიციის განყოფილებაში ჰყავთ, სადაც ამოცნობის პროცედურაზე თავად დაზარალებულიც მიიყვანეს.
უკვე რამდენიმე საათია ლერი სულაბერიძე განყოფილებაში იმყოფება. როგორც “კურიერისთვის” ხდება ცნობილი, პოლიცია სროლის საქმეში მონაწილე პირის კვალზე მას შემდეგ გავიდა, რაც დაზარალებულმა გამოძიებას დაუსახელა ავტომობილის მარკა, რომლითაც შემთხვევის დროს შეიარაღებული პირი გადაადგილდებოდა.
შინაგან საქმეთა სამინისტროს ინფორმაციით, შეიარაღებულ თავდასხმაზე გამოძიება საქართველოს სისხლის სამართლის კოდექსის ორი, იარაღის უკანონო შეძენა-შენახვა-ტარებასა და მკვლელობის მცდელობის მუხლით არის დაწყებული.
კომენტარები