„ამ რეზოლუციის მთავარი ამოცანაა მსოფლიოს პოლიტიკური დამოკიდებულების მობილიზება საქართველოში მიმდინარე პროცესებზე“, – ასე გამოეხმაურა პარლამენტის თავმჯდომარის პირველი მოადგილე გაეროს გენერალური ასამბლეის მიერ „აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ” რეზოლუციის მიღებას.
მისი თქმით, რასაკვირველია, რეზოლუცია ჰუმანიტარული შინაარსისაა, მაგრამ ძალიან დიდი პოლიტიკური მნიშვნელობის მატარებელია.
„აქედან გამომდინარე, თუკი იზრდება მხარდამჭერთა რაოდენობა, თუკი აკლდება მოწინააღმდეგეთა რაოდენობა და თუკი რამდენიმე ქვეყნამ კიდევ შეიცვალა თავისი პოზიცია ამასთან დაკავშირებით, ეს არის რეალურად საკმაოდ სერიოზული პოლიტიკური პოზიტივი, რაზედაც შეგვიძლია ხმამაღლა ვისაუბროთ“, – აღნიშნა გია ვოლსკიმ.