პროკურატურამ და პენიტენციურმა სამსახურმა მყისიერად უპასუხეს trash show-ს წამყვან გოიმ მელაძესა და მის მავნებელ კლასტერს, – ამის შესახებ ექსპერტი გია აბაშიძე სოციალურ ქსელში წერს.
“შაბათს საღამოს, უვიცი გოიმი ნოდარ მელაძის ტრადიციული მავნებელ-შოუ რამდენიმე წუთით ადრე დაიწყო. მან თითქოსდა ციხიდან “გამოჟონილი, დამზადებული, ექსკლუზიური” ვიდეოჩანაწერი მოიპოვა გიორგი შაქარაშვილის მკვლელობის საქმეზე ბრალდებულების საპატიმრო საკნებიდან.
ოფიციალურმა სტრუქტურებმა – პროკურატურამ და პენიტენციურმა სამსახურმა მყისიერად უპასუხეს trash show-ს წამყვან გოიმ მელაძესა და მის მავნებელ კლასტერს.
📍პროკურატურა: გიორგი შაქარაშვილის მკვლელობის სისხლის სამართლის საქმეზე მიმდინარე გამოძიების ფარგლებში, სასამართლოს განჩინების საფუძველზე, ბრალდებულების საპატიმრო საკნებში განხორციელდა ფარული საგამოძიებო მოქმედებები, რის შედეგადაც მოპოვებული ვიდეო-აუდიო მასალა, მტკიცებულების სახით ერთვის გიორგი შაქარაშვილის მკვლელობის სისხლის სამართლის საქმეს. ზემოაღნიშნული მასალა, საპროცესო კანონმდებლობის შესაბამისად, განსაიდუმლოების შემდეგ სხვა მტკიცებულებებთან ერთად, ბრალდების მხარემ 2020 წლის 3 სექტემბერს გადასცა მხოლოდ დაცვის მხარეს. აღნიშნული ჩანაწერების წარმომავლობასთან დაკავშირებით ყველა სხვა სახის ინტერპრეტაცია არ შეესაბამება სიმართლეს.
📍სპეცპენიტენციური სამსახური: ცალსახად უნდა აღინიშნოს, რომ ეს ნამდვილად არ არის პენიტენციური სამსახურის მიერ განხორციელებული ჩანაწერები, ვინაიდან პენიტენციური სამსახური პენიტენციურ დაწესებულებებში არ ახორციელებს აუდიომიყურადებას. სამსახური მხოლოდ ვიზუალურ მეთვალყურეობას ახორციელებს, თუმცა მხოლოდ ზოგ და არა ყველა საკანში და ეს ხდება პატიმრობის კოდექსის საფუძველზე და, შესაბამისად, კანონიერად. ამიტომაც, ირიბი მინიშნება იმაზე, თითქოს პენიტენციური დაწესებულებიდან ტელევიზიამ მოიპოვა უკანონოდ დამზადებული ჩანაწერები, ტელევიზიის მიერ საკუთარი თავის წარმოჩენის წარუმატებელი მცდელობაა და საზოგადოების შეცდომაში შეყვანას ისახავს მიზნად.
მხოლოდ ის შეგვიძლია ვთქვათ, რომ ის კადრები, რაც გასაჯაროვდა სასამართლოს განჩინების საფუძველზე გიორგი შაქარაშვილის მკვლელობის საქმის გახსნის მიზნით კონკრეტულ საკნებში კანონიერად დამზადებული ჩანაწერებია.
❓❓იბადება არაერთი ლეგიტიმური შეკითხვა – აქვთ კი ადვოკატებს იმის უფლება, რომ ასეთი მასალები მედიაში გადაიცეს სასამართლოს საბოლოო ვერდიქტამდე? ეს უკვე მერამდენედ ხდება, რომ ზოგიერთი ადვოკატი გვევლინება პოლიტაქტორის ამპლუაში? ვინმე დასჯილა?..
❗უცხადესია, რომ შაქარაშვილის თუ ნებისმიერ საქმეზე საბოლოო სიტყვა სასამართლომ უნდა თქვას და არსებული მტკიცებულებების საფუძველზე გინივრულ ეჭვს მიღმა სტანდარტით დაადგინოს ნებისმიერი პირის ბრალეულობის საკითხი, მათ შორის იმ პირთა, ვის მიმართაც დაწყებული სამართლებრივი დევნა შაქარაშვილის განზხრახ მკვლელობისთვის.
🤔ამ “დამზადებული ექსკლუზიური” ჩანაწერებიდან მე მკაფიოდ დავინახე, რომ საქმე გვაქვს აშკარად კრიმინალური მენტალიტეტის ადამიანებთან, რომლებიც აბსოლუტურად მშვიდად საუბრობენ მომავალ დანაშაულებრივ გეგმებზე, მათ შორის მკვლელობებზე. მათ საუბარში ბევრი დეტალი მეტყველებს, რომ ამ ადამიანებს შეხება ჰქონდათ შაქარაშვილის მკვლელობასთან და სხვადასხვა მეთოდით ცდილობდნენ პასუხისმგებლობის თავიდან არიდებას.
👨🎓👩🎓მოუთმენლად ველით კანონის კანონობას!”, – წერს გია აბაშიძე.