გუშინდელ ინტერვიუს რაც შეეხება, არა მგონია სერიოზულლი კომენტარის გაკეთება შეიძლებოდეს. ეს იყო 2 ადამიანის ერთგვარი ჭორაობა, რომელთაგანაც ერთ-ერთი იყო ცნობილი „კაკებეშბიკი“. ანუ რუსულ რესურსს იყენებს ის პარტია და მისი ტელევიზია, რომელიც პირდაპირ არის მხილებული რუსული საქმის კეთებაში საქართველოში, – ამის შესახებ ირაკლი კობახიძემ ჟურანლისტებს ელდარ გოგოლაძესთან ნიკა გვარამიას ინტერვიუზე დასმული კითხვის საპასუხოდ განუცხადა.
,ქართული ოცნების“ აღმასრულებელი მდივანის, ირაკლი კობახიძის თქმით, გარკვეული ეჭვები არსებობს კონკრეტულ ადამიანებთან დაკავშირებით, დანაშაულის ჩადენის კუთხით.
„გოგოლაძეს რაც შეეხება, არის ცნობილი საქმე. ამერიკელი ჩინოსანი იყო საქართველოში, რომელიც მოკლეს და იქ იკვეთება გოგოლაძის სახელი და გვარი. ჩვენ ვერაფერზე ვისაუბრეთ, ვიდრე არ დადგინდება ეს დანაშაული. რაც შეეხება ნიკა გვარამიას, მასზეც არსებობს კონკრეტულ სისხლის სამართლის საქმეებთან დაკავშირებით ეჭვები. დანარჩენი არის სასამართლოს საქმე, ჩვენ ამაში ვერ ჩავერევით“, – განაცხადა ირაკლი კობახიძემ.