აშშ-ის პრეზიდენტმა, დონალდ ტრამპმა განაცხადა, რომ პენსილვანიის შტატში „დემოკრატები“ მისი უპირატესობის გაქრობას ცდილობენ.
„ყველა ღონეს ხმარობენ, რომ პენსილვანიაში ჩემი უპირატესობა, რაც 500 000 ხმას შეადგენს, რაც შეიძლება მალე გაქრეს. მიჩიგანში და სხვა შტატებშიც იგივე ხდება“, – განაცხადა დონალდ ტრამპმა.
შეგახსენებთ, რომ პენსილვანიის, ნევადის, ჯორჯიის, ჩრდილოეთ კაროლინის, მიჩიგანისა და ვისკონსინის შტატებში არჩერვნების საბოლოო შედეგები ამ დრომდე არ გამოცხადებულა.
პენსილვანიის შტატში ხმების 64%-ია დათვლილი და ამ ეტაპზე დონალდ ტრამპი 54%-ით ლიდერობს, ხოლო ჯო ბაიდენმა ამომრჩეველთა ხმების 44.9%-ი მიიღო.
დღეს დონალდ ტრამპმა განაცხადა, რომ არჩევნებში თაღლითობას ჰქონდა ადგილი და აშშ-ის უზენაეს სასამართლოს მიმართავს.
„ეს დიდი თაღლითობაა. გვსურს, რომ კანონი სათანადოდ აღსრულდეს. ამიტომაც აშშ-ის უზენაეს სასამართლოს მივმართავთ, რათა ხმის მიცემის პროცესი შეჩერდეს. არ გვსურს, რომ „დემოკრატებმა“ დილის 4 საათზე ახალი ბიულეტენები იპოვონ და სიაში ჩაამატონ“, – დასძინა დონალდ ტრამპმა.