ნინო ბურჯანაძე პოლიტიკოსად ჩამოყალიბდა. ჩემზე კი თქვა: გავლახავდი, კაცი რომ ვიყო მაგის ხელაო, (გეგონება, ძალიან პატარაა) მაგრამ მომწონს თუ არა, პოლიტიკოსია, – ამის შესახებ საქართველოს პარლამენტის პირველმა ვიცე-სპიკერმა გია ვოლსკიმ განაცხადა.
„პოლიტიკოსად იცხოვრა, ჩამოყალიბდა. ეგეთი ტიპაჟია. მარტო დარჩა, შემოეცალა, პარტია აღარ არის, აბა, რა უნდა ქნას? მოლაპარაკების მაგიდასთან რომ ვისხედით, გვსაყვედურობდა, რა ზომამდე მიმიყვანეთ, რომ ამათ გვერდზე ვზივარო. არადა, ნათქვამი აქვს, რომ ამათ ყველას, მე რომ მოვსულიყავი, დავიჭერდი, თავის ბანდასთან ერთად დავიჭერდი, ბანდიტებს ეძახდა. რამე დაფარულს კი არ ვამბობ, ტელევიზიითაც აქვს ნათქვამი, მოლაპარაკების დროს თქვა: იქამდე მიმიყვანა „ქართულმა ოცნებამ“, რომ ამათთან ერთად დამაჯინაო და კი იყვნენ სიცილ -კისკისში. ბურჯანაძემ რა უნდა ქნას? მაშინ პარტიის კარი უნდა გამოიხუროს და თავის პარტიული მოღვაწეობა დაამთავროს“, – განაცხადა გია ვოლსკიმ.
„ერთიანი საქართველოს“ ლიდერმა, ნინო ბურჯანაძემ რამდენიმე დღის წინ განაცხადა, „გია ვოლსკი საცემია დღევანდელი განცხადებისთვის, კაცი რომ ვიყო, ვცემდი“.