იურისტი თამთა მეგრელიშვილი სოციალურ ქსელში პოსტს აქვეყნებს, რომელშიც საქართველოში არსებული პოლიტიკური ვითარების შესახებ მსოფლიო ლიდერების კომენტარებსა და შეფასებებს ეხმაურება.
მისი თქმით, ოპოზიცია გაჯიუტებული ბავშვივით ფეხების ბაკუნითა და მხოლოდ მშობლის რეაქციაზე გათვლილი ისტერიკით საუბრობს წითელ ხაზებზე.
,,ევროკავშირის ყველა ქვეყნისა და თვითონ ევროკავშირის პოზიცია არის, რომ პარტიები, რომლებმაც არჩევნებში მონაწილეობა მიიღეს, პარლამენტში უნდა შევიდნენ და აქ საუბარი არ არის ახალ არჩევნებზე.
ჯერ არ მომისმენია ევროკავშირის ოფიციალური განცხადება, რომელშიც ვინმე პოლიტპატიმრების გათავისუფლებას ითხოვს“, – ამის შესახებ საქართველოში გერმანიის ელჩმა, ჰუბერტ ქნირშმა განაცხადა.
ევროპული საბჭოს პრეზიდენტ შარლ მიშელის სპეციალური წარმომადგენელი, კრისტიან დანიელსონი მედიაციის პროცესით კმაყოფილია.
სახელისუფლებო გუნდის წევრები – ირაკლი კობახიძე და არჩილ თალაკვაძე ამ საკითხზე საუბრისას,
მედიაციის პროცესში თუ მის მიღმა,
ჩვეული სიმშვიდითა და კონსტრუქციულობით გამოირჩევიან.
ხელოვნურად შექმნილი პოლიტიკური ჩიხიდან გამოსასვლელი გზა ნაპოვნია!
ოპოზიცია გაჯიუტებული ბავშვივით ფეხების ბაკუნითა და მხოლოდ მშობლის რეაქციაზე გათვლილი ისტერიკით საუბრობს წითელ ხაზებზე.
სად არის წითელი ხაზები?!
,,ფაფუუ”, გაქრა!!!
ნათელაშვილს ჯერ არ იწვევდნენ, მიიწვიეს და პოლიტიკურად უპრინციპომ ჩვეული ,,პრინციპულიბით” დატოვა შეხვედრა და აღნიშნა: “რაზეც ჩვენ გვინდა, იმაზე აქ საერთოდ არ ლაპარაკობენო”!
ბავშვებს არაფერს ვერჩი, მაგრამ ოპოზიცია იმ ბავშვს მაგონებს,
რომელსაც ბაღის გამოსაშვები ზეიმის დასრულების შემდეგ ეუბნებიან, აბა, უნდა მოემზადო, უკვე სკოლაში მიდიხარო!”, – წერს მეგრელიშვილი.
