გია გაჩეჩილაძემ საზოგადოებრივი მოძრაობა „აი ია“-ს დაფუძნება დააანონსა.
მომღერალმა მოძრაობის დაფუძნების შესახებ გადაწყვეტილება 9 აპრილს ორგანიზებული აქციის შემდეგ მიიღო. მისთვის შეკრებილი ხალხის რაოდენობამ მოლოდინს გადააჭარბა.
გაჩეჩილაძის თქმით, აღნიშნული შეკრებით დადასტურდა, რომ ხალხი შექმნილი პოლიტიკური კრიზისით დაიღალა და სიტუაციას განმუხტვა სჭირდება. მან მაგალითად ოპოზიციის მიერ დაანონსებული და ჩავარდნილი აქციები მოიყვანა, სადაც პოლიტიკოსები ხალხის მობილიზებას ვერ ახერხებენ. გაჩეჩილაძე ახალი საზოგადოებრივი მოძრაობის შექმნის არგუმენტს სწორედ ამ არგუმენტით ამყარებს. მას ოპტიმისტური მოლოდინი აქვს და სამომავლო გეგმებს კი დროთა განმავლობაში გაასაჯაროვებს. გაჩეჩილაძე არ გამორიცხავს პოლიტიკურ ცხოვრებაშიც ჩაერთოს, თუმცა როგორც მან თქვა, რომელიმე ძალას ფორმირებაში შესაძლოა, მხოლოდ დახმარება გაუწიოს, თავად კი მუშაობას რადიოში გააგრძელებს.
გია გაჩეჩილაძის ორგანიზებით დღეს „ევროპის მოედანზე“ შეკრება გაიმართა, სადაც ადამიანებმა მომღერლის იდეა გაიზიარეს და სიმბოლურად, 9 აპრილს, „საქართველოს მარადისობის დღე“ დააფუძნეს.