ბიზნესმენ დავით კოდუას დედის, ლაურა ღაჭავას განცხადებით, წარმოუდგენელია, რომ მისი შვილი ვინმეს ფიზიკურ შეურაცხყოფას მიაყენებდა. ამის შესახებ მან ჟურნალისტებთან საუბრისას თქვა.
“მოხდა გაუგებრობა, პატრული გამოიძახეს იმიტომ, რომ დათო კომენდანტის საათის დროს მიდიოდა გარეთ და შვილებს უნდოდათ მამა შეეშინებინათ, რაც გადაიზარდა ასეთ ამბავში და დათო აიყვანეს. დღეს ჩემთვის ძალიან ძნელია ამ საკითზე საუბარი, როგორც დედის მხრიდან, ძალიან მიჭირს.
ჩემი შვილი არ აღიარებს ძალადობას, არანაირი მსგავსი არ ყოფილა. მას ორივე ხელი დაუზიანდა ადრე და ოპერაცია აქვს გაკეთებული. ეს არის წარმოუდგენელ, რომ დათო ვინმეს ფიზიკურ შეურაცხყოფას მიაყენებდა”- განაცხადა ლაურა ღაჭავამ.
შეგახსენებთ, ოჯახური ძალადობის ბრალდებით ბიზნესმენი დავით კოდუა რამდენიმე დღის წინ დააკავეს და დღეს მას წინასწარი პატიმრობა შეეფარდა.