ბოიკოტით წინ წასვლის საშუალებები აღარ გვაქვს, დაიხურა. ახლა ჩვენ ისევ ბოიკოტი რომ გავაგრძელოთ, მეტს ვერაფერს ვეღარ მივაღწევთ”- განაცხადა “გაერთიანებული ოპოზიცია – ნაციონალური მოძრაობის” კოალიციის წევრმა კახა ოქრიაშვილმა “მთავარი არხი”-ს ეთერში სტუმრობისას და განმარტა ის მიზეზები, რის გამოც მათ საკანონმდებლო ორგანოში შესვლის გადაწყვეტილება მიიღეს.
“არ ვთვლი, რომ ჩვენმა ამომრჩეველმა უნდა გადაწყვიტოს ის, რაც ჩვენი გადასაწყვეტია”- ამბობს ის და იქვე დასძენს, რომ მეორე მხრივ, ისინი უნდა დაეყრდნონ ამომრჩევლის აზრს.
ოქრიაშვილმა თქვა, რომ პარტიაში ჩატარდა პლებისციტის მსგავსი გამოკითხვა, სადაც გაერთიანებული ოპოზიციისა და ნაც.მოძრაობის მხარდამჭერთა 63.4-მა პროცენტმა მხარი დაუჭირა მათ შესვლას პარლამენტში. 16 პროცენტამდე მხარდამჭერებისა არ ემხრობა, დანარჩენმა კი მოსაზრების გამოთქმისგან თავი შეიკავა.
“ბოიკოტით წინ წასვლის საშუალებები აღარ გვაქვს, დაიხურა. ახლა ჩვენ ისევ ბოიკოტი რომ გავაგრძელოთ, მეტს ვერაფერს ვეღარ მივაღწევთ”- განაცხადა ოქრიაშვილმა.