თბილისის მერიის მიერ განხორციელებული პროექტების ანგარიშის პრეზენტაციის შემდეგ, ფრაქცია „ქართული ოცნების“ თავმჯდომარე, მამუკა მდინარაძე Fcaebook-ის საკუთარ გვერდზე რამდენიმე ტელევიზიის წარმომადგენელთა მიერ დასმული კითხვების შესახებ წერს და აღნიშნავს, რომ „ნაცმოძრაობის“ სხვადასხვა ფრთის ტელევიზიების მიზანი გიორგი გახარიას მაქსიმალური აქტუალიზაციაა.
„საოცრება ხდება, – კახა კალაძის პრეზენტაციის შემდეგ კომენტარზე დავდექი და… ტელეკომპანია „მთავარი” მეკითხება გახარიაზე, მაწყვეტინებს „ფორმულა“, ორჯერ, ისიც გახარიას თემით, „ტვ1“ ცდილობს დამატებით დასვას კითხვა, ისიც გახარიაზე, პასუხების მიუხედავად, ჟურნალისტებთან თხუთმეტწუთიანი კომუნიკაციის შემდეგ, ავტომანქანამდე, რომელიც საკმაოდ მოშორებით გვეყენა, მაცილებს „ტვ1“, დაჟინებული ჩაკითხვებით, ისევ გახარიაზე… აღარ ვპასუხობ… „ნაცმოძრაობის“ სხვადასხვა ფრთის ტელევიზიების მიზანი?! პასუხის ჩემი ვერსიაა გიორგი გახარიას მაქსიმალური აქტუალიზაცია“, – წერს მამუკა მდინარაძე.