სისხლიანი გარჩევა თბილისის ცენტრში – აფხაზეთის სახელმწიფო ანსამბლის სოლისტი, ლაშა სახეჩიძე გულში დაჭრეს.
21 წლის ლაშა სახეჩიძეს, დედაქალაქის ცენტრში ჩაუსაფრდნენ. რეპეტიციიდან გამოსულ მოცეკვავეს, თავს რამდენიმე შეიარაღებული პირი დაესხა და სავარაუდოდ, ცეკვის ხანჯალი გულში ჩაარტყეს.
სახეჩიძე ალადაშვილის სახელობის კლინიკაში, მართვით სუნთქვაზე იმყოფება. მისი მდგომარეობა უმძიმესია.
აფხაზეთის სახელმწიფო ცეკვისა და სიმღერის ანსამბლში ამტკიცებენ, რომ შეიარაღებული თავდასხმა სარეპეტიციო დარბაზს მიღმა მოხდა და მომხდარზე პასუხისმგებლობას, თავიდან იხსნიან. ლაშა სახეჩიძე აფხაზეთის სახელმწიფო ანსამბლის წამყვანი მოცეკვავეა.
კომენტარები