საქართველოში ნომერ პირველი ჩოგანის ნიკოლოზ ბასილაშვილის საქმეზე 23 იანვარს ნეკა დოროყაშვილის უახლოესი მეგობარი დაკითხეს.
ბასილაშვილის წინააღმდეგ ჩვენება ყოფილი ცოლის, ნელი დოროყაშვილის მეგობარმა და მეჯვარემ სოფო შარაშენიძემ მისცა.
მან ძალადობის შესახებ თავად ნეკას ნაამბობიდან იცოდა.
ამბები, რომელიც მეჯვარემ გაიხსენა 2017 წლით თარიღდება…
დოროყაშვილის მეგობარმა ის საბედისწერო დღე გაიხსენა, როდესაც მეგობართან სტუმრად მივიდა.
მისი თქმით, ნივთები ეყარა ძირს, ნეკა კი ტიროდა. მან ასევე აღნიშნა, რომ მხოლოდ ერთხელ შეამჩნია მეგობარზე ფიზიკური ძალადობის კვალი.
ეს 2020 წლის იანვარში მოხდა, პირველ ჩოგანთან კონფლიქტის დროს ხელი დაიზიანა, რის შემდეგაც მამამთილი ჯოხით გამოეკიდა.
აღნიშნული პროცესის შემდეგ „ფორტუნა“ ნიკა ბასილაშვილის ადვოკატს დაუკავშირდა, რომელმაც აღნიშნა, რომ „ნეკა დოროყაშვილის მეგობარი არის ირიბი მოწმე და საუბრობს მხოლოდ ნეკა დოროყაშვილის მონაყოლით, ამიტომ ეს მოწმე საქმისთვის მნიშვნელოვანი არაა“.