ძლიერმა წვიმამ და ქარმა წალენჯიხაში რამდენიმე საცხოვრებელ სახლს სახურავი გადახადა. ადგილზე მაშველები და მერიის შესაბამისი სამსახურები არიან მობილიზებული. მიმდინარეობს სახლების დროებით გადახურვა.
ადგილზე იმყოფებიან ასევე ადგილობრივი ხელისუფლების წარმომადგენლები. მუნიციპალიტეტის მერის ბესიკ ფარცვანისინფორმაციით, დაზარალებულ ოჯახებს მერია შესაბამის დახმარებას გაუწევს და გადასახური მასალით უზრუნველყოფს.
სტიქიამ მუნიციპალიტეტში სხვა სახის პრობლემებიც შექმნა. ძლიერი ქარის შედეგად, მოგლეჯილია მრავალწლიანი ხეები, დაზიანებულია ელექტროგადამცემი ბოძები, რის გამოც მოსახლეობის ნაწილს ელექტროენერგია არ მიეწოდება.
ძლიერმა წვიმამ დააზიანა ადგილობრივი მოსახლეობის კუთვნილი სახნავ-სათესი მიწები და სავარგულები. ბესიკ ფარცვანისთქმით, უკვე შექმნილია ზარალის დამთვლელი კომისია. მიმდინარეობს ზარალის დათვლა.