გეგმების შეცვლას ჩვენ ამ დროისათვის არ ვფიქრობთ და მარშის გაუქმებას არ ვაპირებთ, – ამის შესახებ Tbilisi Pride- ის დირექტორმა გიორგი თაბაგარმა განაცხადა.
„იმედი გვაქვს, რომ კონტრაქცია მშვიდობიანი იქნება. საპატრიარქო აცხადებს რომ მშვიდობიან გადაიხდიან პარაკლისს და იმედი მაქვს, არ გასცდება ამას და სამოქალაქო პასუხისმგებლობის ფარგლებში იმოქმედებენ. იმედი მაქვს, პოლიცია და სახელმწიფო იქნება მოწოდების სიმაღლეზე. სამწუხაროდ, ვცხოვრობთ ქვეყანაში, სადაც ამ ჯგუფებს წარსულში არაერთხელ უძალადიათ, უბრალოდ ჩვენ ერთადერთი ბერკეტი რაც გვაქვს არის ის, რომ სახელმწიფო იყოს მკაცრი, სახელმწიფომ არ დახუჭოს თვალი ღია ძალადობაზე და უზრუნველყოს კონსტიტუციის მინიჭებული უფლება ყველა ადამიანისთვის“, – განაცხადა თაბაგარმა.
შეგახსენებთ, რომ „თბილისი პრაიდის“კვირეული 1-ელ ივლისს გაიხსნა, 5 ივლისს კი „თბილისი პრაიდი“ „ღირსების მარშს“ გამართავს. „ღირსების მარშის“ სლოგანი იქნება „გამოდი სოლიდარობისთვის“.