ისრაელმა 50 წლის ზემოთ პირების კორონავირუსის საწინააღმდეგო ვაქცინის მესამე დოზით აცრა დაუშვა. ისრაელის ჯანდაცვის სამინისტროს გენერალურმა დირექტორმა, ნახმან აშმა ექსპერტთა საკონსულტაციო ჯგუფის შესაბამისი რეკომენდაცია დაამტკიცა.
ისრაელის ჯანდაცვის სამინისტროს ახალი განკარგულების თანახმად, ვაქცინის მესამე დოზის მიღებას 50 წლის ზემოთ პირები, ჯანდაცვის მუშაკები, კორონავირუსის მწვავე რისკის ფაქტორების მქონე ადამიანები, პატიმრები და მეურვეები შეძლებენ.
ისრაელში, 1-ლი აგვისტოდან 60 წელს ზემოთ პირების Pfizer-ის ვაქცინის მესამე დოზით აცრა დაიწყო. ვაქცინის მესამე დოზის შეყვანა მიზნად კორონავირუსის ახალი შტამების წინააღმდეგ იმუნიტეტის გაძლიერებას ისახავს.
ისრაელში 700 000-ზე მეტმა ხანდაზმული ასაკის პირმა უკვე მიიღო ვაქცინის მესამე დოზა.
კომენტარები
