სურათები, რომლებიც ქაბულიდან ხალხის გაქცევის მცდელობას ასახავს, სამარცხვინოა დასავლეთის ქვეყნებისთვის, – განაცხადა გერმანიის პრეზიდენტმა, ფრანკ-ვალტერ შტაინმაიერმა.
„ჩვენ ადამიანურ ტრაგედიას განვიცდით, რისთვისაც პასუხისმგებლობას ვიზიარებთ. ყველაფერი უნდა გაკეთდეს ავღანეთში ძალადობის საფრთხის ქვეშ მყოფი ადამიანების დასახმარებლად“, – აღნიშნა გერმანიის პრეზიდენტმა.
16 აგვისტოს გერმანიის კანცლერმა, ანგელა მერკელმა განაცხადა, რომ ავღანეთში განვითარებული მოვლენები უკიდურესად დრამატული და შემზარავია.
„ეს მოვლენების საშინელი განვითარებააა მილიონობით ავღანელისთვის, რომლებსაც უფრო ლიბერალური საზოგადოება სურთ“, – აღნიშნა გერმანიის კანცლერმა.
გერმანიის საგარეო საქმეთა მინისტრმა, ჰაიკო მაასმა განაცხადა, რომ გერმანიის ფედერალურმა მთავრობამ და სადაზვერვო სამსახურებმა ავღანეთში სიტუაცია არასწორად შეაფასეს.
„დასამალი არაფერია. ჩვენ ყველამ, ფედერალურმა მთავრობამ, სადაზვერვო სამსახურებმა და საერთაშორისო საზოგადოებამ ავღანეთში სიტუაცია არასწორად შევაფასეთ. სიჩქარე, რომლითაც ავღანეთის უსაფრთხოების ძალები ბარდებოდნენ, ვერც ჩვენ, ვერც ჩვენმა პარტნიორებმა და ვერც ჩვენმა ექსპერტებმა ამის პროგნოზირება ვერ შევძელით“, – აღნიშნა გერმანიის საგარეო უწყების ხელმძღვანელმა.