ინფორმაციას ამის შესახებ “აიპრესს” ფოთის “ნაციონალური მოძრაობის” თავმჯდომარე დარეჯან ცხვიტარია უდასტურებს.
რამდენად სწორია ინფორმაცია, რომ ფოთში გაერთიანებული ოპოზიციის მერობის კანდიდატი გიგი უგულავა იქნება?
დიახ, გადაწყდა გიგი უგულავას კანდიდატურა. ოფიციალური წარდგენა ფოთში, შაბათს 6 საათზე იქნება, მაგრამ სად იქნება ჯერ არ გვაქვს გადაწყვეტილი, ვარჩევთ ადგილს.
არის თუ არა შესაძლებელი,რომ ამჯერადაც იგივე სცენარი განმეორდეს, რაც თინა ბოკუჩავას შემთხვევაში და მიღებული გადაწყვეტილება ისევ შეიცვალოს?
უკვე გადაწყვეტილია, გუშინ მოვილაპარაკეთ თბილისში. გიგი უგულავა, ძალიან მძიმე წონის კანდიდატია და დიდი გამოცდილების მქონე ადამიანია.
ესაუბრეთ თუ არა თინა ბოკუჩავას ამ თემაზე და როგორია მისი პოზიცია?
მე რატომ უნდა მესაუბრა მასთან, პოლიტიკური გადაწყვეტილება რაც იყო, ჩემთვის მისაღები იყო და კითხვა რატომ დამესვა მაგაზე. პოლიტიკაში ბოლო წუთს არ იცვლება გადაწყვეტილებები? არაფერი სარჩული არ ჰქონდა ამას, ეს იყო პოლიტიკური გადაწყვეტილება, მძიმე წონის პოლიტიკოსები ჩართულიყვნენ ამ რეფერენდუმში.
როგორ შეაფასებთ გიგი უგულავას, როგორც პოლიტიკოსს, რატომ უნდა მისცეს ხმა მას ამომრჩეველმა?
იმიტომ უნდა მივცეთ ხმა, რომ იცის რა უნდა გააკეთოს. ჩვენ რეფერენდუმის წინაშე ვდგავართ, მან მხოლოდ და მხოლოდ იმისთვის მიიღო ეს გადაწყვეტილება, რომ ამ რეფერენდუმში გავიმარჯვოთ. ვინაიდან, უკიდურესად მძიმე მდგომარეობაში იმყოფება საქართველო. პირდაპირ გვყავს რუსეთის მიერ ხელდასმული ხელისუფლება, რომელიც უპირებს საქართველოს რუსეთის გუბერნიად გადაქცევას. ეს არ უნდა დავთმოთ, უნდა გავერთიანდეთ. ვიღაცა მოგვწონს, ვიღაცა არ მოგვწონს ახლა ამის დრო ნამდვილად არა გვაქვს. უნდა დავდგეთ ერთად და უნდა გავუშვათ ეს ხელისუფლება პოლიტიკურ მოუსავლეთში. ეს არის ყველაფერზე მაღლა მდგომი პრინციპული დამოკიდებულება.
ჩვენი ინფორმაციით, თქვენი ლიდერის, მიხეილ სააკაშვილის მოთხოვნა იყო, რომ ზუგდიდში აუცილებლად ყოფილიყო მაჟორიტარობის კანდიდატი “ნაციონალური მოძრაობიდან” და სწორედ ამის შემდეგ მოხდა ეს გადათამაშება, ანზორ მელია ზუგდიდში და გიგი უგულავა ფოთში.
ანზორ მელია არის ზუგდიდელი, ძირი მისი არის ზუგდიდიდან და აქვს ძალიან მყარი პოზიციები. აქვს საავდმყოფო, ხალხთან უფრო მეტი ურთიერთობა აქვს და სწორი სტრატეგია ავირჩიეთ. გამარჯვების ფორმულა თუ არ დავდეთ, ამ ვერაგ ხელისუფლებას ისე ვერ გადავაგდებთ. ამიტომ, გათვალისწინებულია სწორი სტრატეგია, დალაგებულია ჯარისკაცები იქ სადაც უფრო დიდი შანსი აქვთ მოგების და ამ იტომაც იქნა ეს გადაწყვეტილება მიღებული.